#記得開聲聽下我奶奶講咩 🤣 我都幾慶幸自己可以有機會體驗到兩個咁 唔同文化嘅一個經歷 其中一個最唔同必定係同老人家相處 今日唔算好凍 但早上十點幾出去公園行都係十度頭 而大家見到嘅湖水 強哥話唔可以只用凍黎形容 而係冰水 😂 同老爺奶奶帶埋狗仔小朋友去散步 係呢度一個最普遍嘅活動 唔使錢 又可以欣賞風景 老小咸宜 又可以行下路 (呢度d人只駕車 唔行路架滯 所以係要特登去「行路」的🤣) 見到個我形容為水氹咁淺嘅湖 Ruby就好興奮咁要落去浸下身 兩個小朋友同強哥呢個大朋友又跟埋落去 大佬真係冰水嘅溫度 可能我已經習慣左同三個野人加一隻動物生活 所以我係咁易叫兩聲 “ Come on man ! It’s cold ! Don’t go !” 預左無人理我之下 我都係幫佢哋影下相 企係我旁邊嘅老爺奶奶一邊笑 一邊助慶 “ oh it’s so fun !” 果刻我即刻想起如果公公婆婆係度實鬧死 又凍又醒 仲係度肋高條褲玩水 😂 然後我先閃過 啊有趣！ 唔知我老左會點呢？ 會保持我港人比較緊張同怕凍親嘅想法 定好似我奶奶咁 “ oh it’s fun !” 睇住d孫玩呢？ 係呢度生活又或者同鬼佬生活 往往有好多呢d精神分裂moments 算啦 都係返屋企搽返d薑油暖下身啦三個小朋友🤣